الموت على الطريقة المصرية

::::الموت على الطريقة المصرية::::

عاوز ‏تموت ‏شهيد

يا تركب ‏قطر .. يا تركب عباره .. يا تركب طياره

عاوز ‏تموت ‏م ‏الجوع

ياتشترى ‏شقه ‏بالقسط.. ياتشترى ‏عربيه ‏بالقسط..

يا تدخل عيالك مدرسة خاصة

عاوز ‏تموت ‏مشهور

ياتتجوز ‏رقاصه .. يا تنصب على بنك

عاوز ‏تموت ‏مليونير

ياتعمل ‏فيديو ‏كليب .. يا تلعب كوره

عاوز ‏تموت ‏ورا ‏الشمس

ياتشغل ‏مخك .. يا تفتح بؤك

عاوز ‏تموت ‏م ‏الحزن

ياتحط ‏الحكومه ‏ف ‏بالك .. يا تطالب بحقك

عاوز ‏تموت ‏م ‏الضحك

يا تسمع تصريحات وزارتا الصحة و التعليم

يا تروح تتطعم من أنفلوانزا الخنازير

عاوز ‏تموت ‏م ‏الحسره

ياتتفرج ‏ع ‏الفاترينات ‏فى ‏ستى ‏ستارز..ياتروح ‏زياره ‏لمارينا

عاوز ‏تموت ‏م ‏الغيظ

ياتتفرج ‏ع ‏القنوات ‏المحليه .. يا تتفرج على النشره الجويه

عاوز ‏تموت ‏م ‏الزهق

ياتستنى ‏الإشاره ‏لما ‏تفتح .. ياتستنى ‏دورك ‏فى ‏التأمين ‏الصحى

ياتستنى ‏دورك فى الفرن العيش

عاوز ‏تموت ‏م ‏الهبل

يا تسمع تصريحات المسئولين بعد كل كارثة

يا تتفرج على برامج المسابقات

عاوز ‏تموت ‏مخنوق

ياتروح ‏مصلحه ‏حكوميه .. يا تقرا الجريده اليوميه

عاوز ‏تموت م الخضة

يا تركب ميكروباص .. يا تعدى الشارع على رجليك

عاوز ‏تموت ‏مرعوووووب

ياتستنى ‏نتيجه ‏الثانويه ‏العامه

ياتستنى ‏نتيجه ‏التحاليل ‏عند ‏الدكتور

عاوز ‏تموت ‏ف ‏حالك

أعمل ‏نفسك ‏دايما....‏مش ‏واخد ‏بالك

بصراحه مش عارفه اضحك ولا ابكي

مكنتش اتمنى ان بلدنا حالها يوصل لكدا

نبقى مسخه لكل الناس

بس دايما نقول الحمد لله

ميرسي ليك

» السمك على الطريقة الالمانية
» على فراش الموت قصة مبكية
» الطريقة الصحيحة في إزالة المكياج
» الدجاج واللحوم على الطريقة الايطالية
» جاتو الشيكولاته على الطريقة الفرنسيه